Лекарите со лажен учинок до повисоки плати, Тодоров ќе ги праќа во затвор!

Добивај вести на Viber

Стопирана е исплатата на наградените 100 лекари, а на фелата и се упатени и закани со затворски казни од страна на министерот за здравство, Никола Тодоров бидејќи голем дел од нив давале лажни  податоците за бројот на извршените интервенции. Над 70 отсто од лекарите во Градската општа болница „8 Септември“, по инспекцискиот увид од страна на Министерството за здравство било констатирано дека внеле и до шест пати поголем број на интервенции од оние што ги извршиле. Вака нивниот коефициент се зголемил, а со тоа и износот на нивната плата, посочија надлежните. „Беа извршени инспекции на Офталмологија, Неврологија, Психијатрија, Патологија, Ортопедија, ОРЛ и Хирургија и беше констатирано сериозно несовпаѓање во реално извршените медицински услуги и медицинските услуги кои се внесени во системот“, изјави Тодоров кој побара до 16 мај да ги корегираат неточно внесените податоци. „Сериозни консеквенции ќе предизвикаат контролите на 16 мај, по исплаќање на платата. До моментот пред да се исплати платата нема финансиска штета по однос на институциите. Доколку повторно бидат забележани неправилности, лекарите кои го злоупотребиле системот може да добијат и казна затвор од 3 години“, потенцираше Тодоров.. Од болницата пак одговорија дека не е точно оти нивните лекари лажат. Оттаму посочуваат дека инспекцијата користеле делумни податоци од болничкиот информатички систем, но не и за не целосно  извршените дијагностички процедури. „Можни се одредени ненамерни пропусти заради големата оптовареност на докторите. Инсистираме на темелна контрола на инспекциските тимови со комплетен увид во целокупната документација со која располага болницата“ се вели во реакцијата од  „8 Септември“.