Ленин Јовановски: Владата да го субвенционира метанот, само 54 автобуси се во прашање

Добивај вести на Viber

Ленин Јовановски, претседателот на Здружението на приватните превозници, побара субвенции од Владата за автобусите кои возат на метан во јавниот сообраќаен превоз во Скопје.

Приватните превозници имааа 21 автобус кои работат на погон на ЦНГ, додека ЈСП има 33, информира тој.

- Владата наплаќа три денари еколошка такса од горивата и сега од тој извор бараме да се интервенира.  Сметаме дека Владата треба да интеревенира со субвенции за да ја совладаме оваа состојба. Тоа не е огромна сума, околу 54 автобуси се заедно..Бевме стимулирани вербално заради еколошкиот момент, а сега наместо да имаме некаков бенефит од тоа, ние си створивме проблем, рече Јовановски на денешната прес-конференција.

Тој додава дека во прилог на тоа оди и ситуацијата, како што вели тој, со загадувањето на Скопје, додека метанот е најеколошко гориво.

„Скопје е најзагаден град во светот, ова е само една од низата состојби кои прават економска штета и го нарушуваат нормалното функционирање. Ние имаме само определен буџет од Град Скопје по исплата по километар изминат, но тоа не е доволно да се покријат трошоците“, вели претседателот на здружението.

Според истражувањето што го направил Јовановски, поскапувањето на метанот во Македонија било најголеми и сега земјата е на врвот на листата во Европа каде што се плаќа најскап компресираниот природен гас.