Летото ја донесе новата цена на цигарите

Добивај вести на Viber

Пушачи - ако нешто ве натера да ги откажете цигарите тоа ќе биде нивната цена.

Согласно календарот за зголемување на акцизата за цигари, како и што беше најавено со стартот на летото цигарите поскапеја од три денари за кутија.

Имено, ронхил, и бестон слим од вчера се продаваат за 5 денари поскапо. Новата цена на ронхил е 65 денари а пак бестон слим ако до вчера сте го купувале по цена од 55 денари од 1 јуни се продаваат за 60 денари.

Зголемување од по 3 денари на цигарите се предвидува се до први јули 2016 година, по што во наредните  седум години тие ќе поскапуваат по четири денари за кутија годишно.

Ваквиот тренд на покачување за осум години драстично ќе ги поскапи цгарите во земјава, па така најскапата кутија цигари која денес чини 120 денари, за осум години ќе достигне цена од 154 денари.

Граѓаните по ова прашање се поделени.

За едни цената за три денари поскапа кутија не значи ништо.

„Мислам дека нема да се откажам од цигарите", вели еден граѓанин.

„Па незнам до кога ќе поскапуваат но ако достигнат цена што не можам да си ја дозволам од буџетот мислам дека барем ќе ги намалам", вели друг граѓанин.