Левица прашува зошто Македонија воведе визи за Куба и Боцвана?
Објавено во: Македонија 06 Декември, 2022
Левица ја критикува владината одлука за визи кон Куба и Боцвана и вели дека ова е уште еден показател за нејзината вазалска позиција кон „камшикарите“ од Запад.
Според Левица, надворешната политика на Македонија целосно ја има изгубено својата сувереност. Ова го потврдува и одлуката на македонското МНР да воведе визи за земји како Куба и Боцвана, велат од партијата.
„Ваквата одлука на нашето МНР, без апсолутно никаква причина и образложение, да воведе визен режим на земји кои никогаш во својата историја немат водено штетна политика кон Македонија, е навистина сулуда. Особено што станува збор за држави кои безрезервно ја признаваа државата под нејзиното уставно име, почитувајќи го правото на самоопределување на македонскиот народ и неговиот суверенитет над својата држава“, стои во соопштението на партијата.
Левица најстрого ја осудува ваквата, како шти вели, срамна одлука на владата предводена од СДСМ и ДУИ, чија единствена цел во нивното водење на надворешната политика, очигледно е само тоа да бидат допадливи и максимално понизни кон нивните „камшикари”.Европската комисија во извештајот до Европскиот парламент и до Европскиот совет за визниот режим пишува дека Северна Македонија во изминатата година не презела активности за натамошно усогласување со визната политика на ЕУ и дека сѐ уште не вовела визи за земјите за кои е потребна виза за ЕУ – Азербејџан, Боцвана, Куба, Ел Салвадор, Косово и Турција. Инаку во истиот текст претходно земјите членки оцениле дека имаат добра соработка со Северна Македонија и во управувањето на границите и во однос на реадмисијата.
Можеби ќе ве интересира
ЗИЈАДИН СЕЛА СО КЕЧЕ И ВО ДРЕС СО НАЦИОНАЛНИТЕ БОИ НА АЛБАНИЈА - со пријатели во Дортмунд навива за албанската репрезентација
ДИРЕКТОРУВАШЕ СО МЕПСО И СО ЖЕЛЕЗНИЦИ ТРАНСПОРТ, СЕГА ЌЕ БИДЕ МИНИСТЕР ЗА ЕВРОПСКИ ПРАШАЊА - кој е Орхан Муртезани од Алтернатива
ОСТАНУВА ВО ГРАДОНАЧАЛНИЧКАТА ФОТЕЛЈА НА КАВАДАРЦИ - најпопуларниот градоначалник Јанчев нема да оди на министерска позиција
ИДНАТА НЕДЕЛА ЌЕ ИМА ПОРОЕН ДОЖД И ГРМЕЖИ - еве што предвидуваат синоптичарите
ПРЕГАЗИЛ ВЕЛОСИПЕДИСТ НА РЕГИОНАЛЕН ПАТ И ИЗБЕГАЛ - не се знае дали е фатен возачот на аудито
ЛУЃЕТО НИ КАЖУВААТ ДЕКА ИМАЛЕ ЗАТВОРЕНИ ВРАТИ ВО СДСМ - Венко Филипче кажа кои биле досега слабостите на партијата
БАНКАТА НЕ СЕ ЗНАЕ, АМА СЕ ЗНАЕ КОЛКУ ПАРИ УКРАЛ - фатен разбојникот кој со пиштол им се заканувал на двајца вработени
ПРЕД ДА ГО УБИЕ СО ОСТАР НОЖ НЕГО И НЕГОВИОТ ТАТКО, ТОЈ ЈА ТЕПАЛ И ДАВЕЛ - Обвинителството со детали за двојното убиство во Кратово
ЈАНКУЛОСКА ИСКРЕНО: Мијалков никогаш не ми се извинил, незаконското прислушување ми го сврте животот наопаку
