Лиценцата за туристичка дејност на „Беса транс“ ќе биде поништена утре
Објавено во: Македонија 11 Јануари, 2022
Утре ќе биде поништена лиценцата за туристичка дејност на „Беса транс“.
Министерот за економија Крешник Бектеши на денешната прес-конференција кажа дека утре ќе биде поништена лиценцата за туристичка дејност на туристичката агенција „Беса транс“, чиј автобус се запали во ноември лани во Бугарија, каде загинаа 45 луѓе.
Во Министерството за економија пристигнал извештајот од Инспекторатот за труд што се однесува на лиценцата за туристичка дејност на туристичката агенција „Беса транс“, според кој има разлика во сите информации за лиценцата кои што ги има таа агенција за транспорт. Бектеши рече дека на барање на Министерството за економија, Пазарниот инспекторат ќе направи дополнителна контрола на условите и начинот на функционирање на „Беса транс“.