Литванија не се откажува од еврозоната

Добивај вести на Viber

Литванија идната година ќе се обиде повторно да се придружи на групата земји ко иго користат еврото, рече шефот на министерот за финансии на еврозоната, Жерон Дијселблом. Литванија е единствената прибалтичка земја која се уште користи сопствена валута, откако осумнаесетта членка на еврозоната на почетокот од оваа година стана Летонија. Во Естонија еврото се користи од јануари 2011 година. Како што пренесе чешкиот сајт lidovky.cz, Литванија изразила намера, на 1. јануари 2015. да се приклучи кон еврозоната, прецизираше Дијселбом по заседанието на министрите за финансии и економија, членки на валутниот блок. Литванија стана членка на ЕУ заедно со уште неколку земји во мај 2004 година. Во втората половина на минатата година, претседаваше со Унијата. Тоа беше првпат, една држава од прибалтичките земји да биде на чело на ЕУ. Земјите на ЕУ мораат за влез во зоната на еврото да ги исполнат т.н. Мастрихтски критериуми на конвергенција. Тие, покрај останатото, пропишуваат дека дефицитот на буџетот не смее да бидепоголем од три отсто од бруто домашниот производ, а јавниот долг од 60 отсто од БДП. Инфлацијата не смее да биде поголема од 1,5 процентни поени во однос на просекот на стапката на инфлација во три земји од Европската унија со најниска стапка на инфлација. Министрите за финансии на еврозоната и Европската централна банка, за евентуалниот прием на Литванија ќе одлучат дури откако Европската комисија, на почетокот од јуни, ќе го објави извештајот со проценка, дали Литванија е подготвена за тој чекор. Литванија еднаш веќе се обиде да влезе во еврозоната. Меѓутоа, ЕК и ЕЦБ во 2006 година ја одбија нејзината кандидатура, бидејќи ја надмина дозволената инфлација.   А.А.