Љубе Бошковски: 400.000 евра без покритие има кај ВМРО-ДПМНЕ, не кај мене

Добивај вести на Viber

Лидерот на Обединети за Македонија, Љубе Бошкоски денеска рече дека очекува  процесот  „Тортура“  да заврши со осудителна пресуда и рече дека неговото апсење во случајот „Кампања“ било, како што вели тој, класична неправда без да биде докажано делото.

-Денес, зад мене се актерите на „Тортура“, моите прогонители и сите  тие луѓе кои во еден монтиран полициско-политички процес „Кампања“ за  кои целата домашна и меѓународна јавност го осуди како монтиран  политички процес, денес се води постапката за моето мачење, за ова што  беше како последица на „Кампања, истакна Бошкоски.

Тој рече дека државниот ревизор открил 400.000 евра непокриени во кампањата на  ВМРО-ДПМНЕ за последните претседателски избори, а не кај Обединети за Македонија и дека се надева дека тоа ќе биде процесуирано, додека неговата кампања, како што вели тој, била монтирана. Тој очекува органите на прогонот, во една транспарентна судска постапка да спроведат истрага и доколку ја докажат вината,  виновницитеда  ги изнесат пред судот за овие 400 000 евра

- Во мојот случај во 2011 година, ниту форезничарите од Гордана  Јанкулоска која ја гледам зад мене, ниту докажаа, дека јас на ниту кој  било начин сум имал допир со парите, ниту докажаа дека тие пари се  употребени во „Кампања“ и ме апсат за монтирано дело по завршувањето  на кампањата и ме осудуваат на 5 години затвор, рече Бошковски.