Љубе Бошковски добил уверување од Мицкоски дека нема контакти со Груевски

Добивај вести на Viber

Идеолошките мотиви се причината за враќањето на Обединети за Македонија во коалиција со ВМРО-ДПМНЕ, тврди нејзиниот лидер Љубе Бошковски, по најавата за предизборното коалицирање со опозицијата. 

Поранешниот министер за внатрешни работи долго време е советник за привлекување странски инвестиции во самата влада, но сега вели дека ќе коалицира со ВМРО-ДПМНЕ затоа што повеќе оваа партија не е раководена од двоецот Никола Груевски - Сашо Мијалков.

Вели дека треба да се сретне со лидерот на ВМРО-ДПМНЕ, Христијан Мицкоски, и дека добил цврсти уверувања дека тој нема никакви контакти со поранешниот премиер Груевски, во чие време беше уапсен и осуден во случајот „Ровер“.

– Во 2009 година ја напуштив ВМРО-ДПМНЕ, но идеологијата НЕ. Тоа го сторив поради тоталитарното владеење на двајцата братучеди, Груевски и Мијалков, со кое не можев да се согласам како демократ. Сведоци на нивните политики беа сите граѓани. Режимот на Груевски и неговиот братучед го достигнаа врвот со монтажа на предметите ,,Кампања” и ,,Ровер”, поради кои поминав години во затвор. И да, по сето тоа, граѓаните со право ќе се запраашаат што барам со ВМРО-ДПМНЕ?
Но сакам да потсетам дека од Југославија, па навака, мене не ме прескокнал ниту еден режим, како и оној во времето на Хари Костов за ,,Раштански лозја”. Значи нема режим кој ме прескокнал!, истакнува Бошкоски за ,,Фокус”.

Бошковски додал дека советничкото место за странски инвестиции го напуштил пред половина година и дека примањата ги донирал на помалку имотните од неговата партија.