СЕЕ Линк се прошири на 5 активни членки
Љубљанската берза се приклучи кон СЕЕ Линк
Објавено во: Мои пари 14 Декември, 2016 13:18
Љубљанска берза (LJSE) од 08.12.2016 година е активна членка на СЕЕ Линк, што ќе овозможи тргување со хартии од вредност од Словенија преку оваа платформа.
По Белградската берза, ова е втора берза што се приклучи на СЕЕ Линк по неговото формирање од страна на трите берзи основачи (Загребска, Бугарска и Македонска).
Алеш Ипавец, Претседател на Управниот одбор на Љубљанска берза, рече: Љубљанската и Белградската берза се последните берзи од регионот на Југоисточна Европа кои се приклучија на СЕЕ Линк и тоа е важен чекор кон поблиска регионална соработка. Малите берзи од регионот поединечно не можат да бидат успешни и градењето на силни врски меѓу берзите на ваков начин ќе доведе до создавање на силен и успешен регионален пазар.
Со пристапување на LJSE,СЕЕ Линк - системот за регионално пренасочување на налозите за тргување сега поддржува тргување на вкупно пет пазари, со пазарна капитализација од повеќе од 38,5 милијарди долари и повеќе од 500 акции со кои може да се тргува.
Системот има за цел да се зголеми ликвидноста и да се подобри пристапот на инвеститорите и локалните брокери.
Можеби ќе ве интересира
ПУШТЕНА ВО УПОТРЕБА НОВАТА МИКРОБИОЛОШКА ЛАБОРАТОРИЈА ЗА КВАЛИТЕТ НА „АЛКАЛОИД“ ПРИ ОФИЦИЈАЛНАТА ПОСЕТА НА ВЛАДИНА ДЕЛЕГАЦИЈА НА КОМПАНИЈАТА
Емисиите од работата на ТИТАН УСЈЕ се под граничните вредности определени со Закон
Нов едукативен и истражувачки центар на Градежниот факултет во соработка со ТИТАН Усје, во рамки на проектот „Знаење + CO₂ -“
Никотински ќесички како модерна еволуција на снус без тутун
Мало отрезнување за акциите со вештачка интелигенција
Просечната цена на струјата на HUPX берзата за 19 декември изнесува 134,46 евра за мегават час, на МЕМО 154,75 евра за мегават час
Првпат во Македонија: Во „Аџибадем Систина“ изведена имплантација на вештачки колк кај 14-годишно дете
Поддршка што создава иднина – КС Групација со нови студентски стипендии
