ЛОКАЛНИ ИЗБОРИ ВТОР КРУГ: Каде ќе се кршат копјата на 29 октомври?

Добивај вести на Viber

Во некои општини неизбежен е втор круг за да се реши кој ќе биде градоначалник.

На 29 октомври ќе се прегласува во 35 општини во кои ниту еден кандидат за градоначалник не доби потребно мнозинство од гласови.

14 се општините во кои СДСМ има предност, додека опозициската ВМРО ДПМНЕ со предност влегува во само 6 општини.

Резултатите кои не ги очекуваа многумина и донесоа победа на СДСМ, но сепак владеачката партија ќе мора да се бори во уште еден круг во 13 општини со противкандидат од редовите на ВМРО ДПМНЕ, додека една општина има кандидат за градоначланик од НДП.

Тесни битки во Штип и Чешиново-Облешево

Копјата СДСМ и ВМРО ДПМНЕ во вториот круг ќе ги кршат во Штип каде кандидатот на ВМРО ДПМНЕ Илчо Захариев има предност од 36 гласови. Во оваа општина можен е пресврт бидејќи ДИК регистрираше 800 неважечки ливчиња. Од СДСМ таму кандидат е Благој Бочварски.

Тесна разлика има и во Чешиново-Облешево. Само 39 гласови повеќе доби ВМРО ДПМНЕ во првиот круг.

Од албанскиот блок ДУИ предност има во 11 општини, додека Алијансата на Албанците и ДУП имаат предност само во по една општина, додека двајца независни кандидати ќе влезат со предност во вториот круг.

Кисела Вода, Бутел, Гази Баба, Шуто Оризари, Виница и Градско, потоа Демир Капија Јегуновце, Карбинци, Македонска Каменица, Македонски Брод и Росоман, Старо Нагоричане и Чашка се општини каде СДСМ има предност.

Шестте оптшини каде води ВМРО ДПМНЕ се Штип, Чешиново - Облешево, Пробиштип. Новаци, Зрновци и Кавадарци.

Во Гостивар, Тетово, Чаир , Сарај, Теарце, Липово, Желино, Долнени, Дебар, Врапчиште, и Боговиње предност има ДУИ, а во Струга води Алијансата на Албанците.

ДПА води во Студеничани а назвисните кандидати се со предност ви Могила и Брвеница.