Ловџијата што застрела колега во притвор со кривична пријава

Добивај вести на Viber

Кривична пријава и 30-дневен притвор доби З.Ј (38) од Струмица, поради постоење на основано соменение дека завчера околу 13.50 часот, на местото викано „Медев рид“, атар на село Белотино, во близина на браната Водоча, кога заедно со уште седуммина бил на лов, испукал еден патрон со пушка и го погодил лицето Ж.И. од село Рич. Ловџијата се движел по шумска патека низ непрегледна шума на оддлеченост од околу 30 метри.

Ж.И се здобил со влезна рана од оружјето во пределот на главата, од каде почнал обилно да крвари и паднал во безсознание.

Струмичанецот, со намера да го прикрие настанот, ги известил другите  кои во меѓувреме дошле на помош, дека Ж.И од невнимание се самозастрелал, притоа ја зел пушката која ја користел сега починатиот и ја пренел на друго место на оддалеченост на околу 50 метри потпирајќи ја на една грмушка и враќајќи го петлето од пушката напред. 

Откако повредениот го качиле на трактор, за побрзо да му се пружи лекарска помош, струмичанецот ја земал пушката со која бил на лов, заминал кон брана Водоча, земал метална жица и го одбравил затворачот на пушката кој бил оштетен, го извадил, а го фрлил и употребениот патрон во водите на брана Водоча, по што пеш заминал за Белотино, враќајки ја пушката на лицето од кое ја зел заедно со уште четири неупотребени патрони.

Повиканата екипа од Итната медицинска помош од Струмица веднаш дошла и укажала лекарска помош по што повредениот со медицинско возило бил префрлен во ЈЗУ Општа Болница - Струмица, каде и покрај пружената лекарска помош и реанимација, им подлегнал на повредите. 

Од извршените проверки било утврдено дека и застреланиот и осомничениот дека го застрелал, не поседувале огнено оружје со дозвола за оружје, ниту, пак, биле членови во ловното друштво „Беласица“ од Струмица.

По наредба на јавен обвинител извршена е обдукција врз телото на починатиот.