Лозарите да здивнат - продолжува откупот на грозје
Објавено во: Агробизнис 14 Октомври, 2016
По мала пауза, продолжува откупот на грозје.
По привремениот прекин со откуп поради пренатрупаност со грозје и неопходност од време тоа да биде преработено, винарската визба „Повардарие” од Неготино продолжува со откупување и преработка на грозје од годинешнава гроздоберска реколта, пишува МИА.
„Од објективни причини моравме да направиме мал прекин во откупот бидејќи пред винаријата се создаде голема колона трактори кои донесоа грозје. Нашиот капацитет е ограничен во поглед на преработката на грозје и затоа решивме првин да го преработиме грозјето што веќе беше обрано, па потоа да продолжиме со откупот. Како што ветивме, по времениот прекин, додека паѓаше и дожд и бербата беше и природно стопирана, повторно откупуваме грозје“ - велат од винарницата.
Додаваат дека откупот е со претходна најава за да не се создаваат гужви, а ќе трае се додека има грозје.
На 10 месецот откупот беше запрен привремено.Прекинот на откупот се однесуваше на сите откупни пунктови.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
