СЛУЧАЈ ОД ИСТОКОТ: Мајка ја принудувала ќерката да се проституира
Објавено во: Македонија 17 Септември, 2019
По наводите во некои медиуми за вклученост на 14-годишното девојче од Штип во мрежа на малолетничка проституција во земјава и во една земја во странство, началникот на Одделението за информации од јавен карактер во МВР Сузана Праниќ за МИА изјави дека работат на случајот, но во интерес на истрагата не можат да соопштат детали.
Официјалната изјава од МВР е дека тие во координација со Јавното обвинителство и во соработка со Министерството за труд и социјална политика работат на случајот. Од Министерството за труд и социјална политика велат дека детето е на безбедно место.
Претходно медиуми објавија дека мајка од Источна Македонија ја принудувала малолетната ќерка на проституција за сума од 1.000 до 1.500 денари.Според медиумите, девојчето неодамна само го пријавило случајот во полиција.
Според исказот на малолетничката, мајката и нејзините познаници на кои им должела пари ја принудувале да има и по 3 до 4 клиненти дневно во хотели на Истокот од државата.