„МАЈКА МИ МИ КАЖА ДЕКА СИ ПОЛНА БАКТЕРИИ“: Потресна исповед на хигиеничарка во градинка во земјава
Објавено во: Македонија 09 Мај, 2023
Дека хигиеничарките од секогаш биле мета за дискриминација не е никаква тајна.
Меѓутоа, овој нехуман однос кон нив веќе зема големи размери, до тој степен што, се учат дечиња уште од најмала возраст дека хигиеничарките се валкани и нечисти, па дури и полни со бактерии.
Една жена, на една од групите на Фејсбук, објави потресна исповед.
Вработена како хигиеничарка\домаќинка во една од градинките во земјава, добила ненамерни но навредливи зборови од детенце кое ја посетувало градинката.
Како што раскажува таа, сите дечиња ја гушкале и таа нив. Уживала во работата и да биде покрај нив.
Меѓутоа, едно од дечињата и пришло и и рекло дека сака да ја гушне, но дека не смее.
„Мајка ми ми кажа дека си полна со бактерии. И викам зошто? Затоа што чистиш. Ја прашав а мајка ти дали чисти дома? Ми одговори -да. И реков и мајка ти е полна со бактерии“, раскажува жената.