ЛОНДОН: Мајка на три деца почина од вирусот, не била приоритет

Добивај вести на Viber

Ковод-19 најверојатно е причината за смртта на 36-годишната Кеја Вилијамс, мајка на 3 деца во лондонската населба Пекам. Смртта настапила само еден ден откако нејзиниот сопруг повикал брза помош, но го одбиле со објаснување дека не е приоритет

49-годишниот Фабијан Вилијамс на лекарите во Итната медицинска служба им ги кажал симптомите, дека неговата сопруга има висока температура, сува кашлица и силни болки во градите и стомакот. Бртитански „Гардијан“ има увид во медицинската документација, која имплицира дека жената почиала од коронавирусот.

–Повикав Брза помош бидејќи мојата сопруга не можеше да земе здив, повраќаше и имаше болки во стомакот. Им реков дека ситуацијата станува од минута во минута полоша, но, оттаму ми трекоа само да ја ставам на под, да биде на рамна површина. Медицинското лице кое дојде ми рече дека болницата нема да ја прими, зошто не е приоритет. Но, за жал, состојбата само и се влошуваше. Почина, изјави нејзиниот сопруг за британските медиуми.

Тој додава дека здравствените работници се обиделе да ја реанимираат, а потоа според протоколот за починати од инфективни болести го изнеле телото звиткано во специјални пластични вреќи.

-Имаа полна опрема за заштита, униформи, маски, наочари, помислив што се случува. Мене само ми рекоа да останам во карантин и ништо повеќе, а јас сум дијабетичар и користам инсулин, појаснува Фабијан Вилијамс