15 Април, 2024
0.0251

МАКЕДОНЦИ ИМА НА ПЕЧАЛБА ВО МНОГУ ЗЕМЈИ: Ги прашавме колку време им беше потребно за адаптирање во новата средина

Објавено во: Македонија 26 Септември, 2023

Добивај вести на Viber

Македонците кои се иселиле или се на привремена работа во странство имаат различни искуства за тоа колку време е потребно за адаптирање во новата средина. Но, повеќето велат дека барем неколку месеци се потребни за прилагодување на животот во друга држава.

Гордана Бошкоска Велков веќе 10 години живее во Данска и вели дека на почетокот ѝ било тешко. Особено потешкотии имала за наоѓање на стан заедно со семејството.

„Мажена сум, имам три деца и нас ни беше тешко да најдеме стан. Тоа е еден од поголемите проблеми во Данска. Јас имам завршено високо образование за готвач, работам повеќе од 8 години како готвач. Се навикнуваш брзо на системот. Секаде е прифатливо да се зборува англиски, а за работа има многу  веб страници каде можете да аплицирате. Јас за еден месец најдов работа. На пример за семејство, ќе му требаат три месеци за сите документи, за дозвола за престој, за здравствени книшки, за да бидат во систем. Јас после три месеци се запишав во школо за дански јазик. Додека да поднесеш документи за престој, треба да имаш банкарска сметка, три месеци да имаш редовен приход. Јас на пример после една година се запишав на школо за готвач, со основно познавање на дански јазик, три години студирав и работев. Децата кога дојдоа, беа три месеци во интернационално школо за јазик, а потоа ги пратија во основно данско школо “, вели Бошкоска Велков.

Аниа Светозаров лесно се адаптирала во Полска, затоа што има полско потекло.

„Јас сум полу Полјачка, така што мојата адаптација беше многу полагодна и ми беше многу полесно бидејќи овде имам фамилија. Го знаев јазикот добро, започнав со студии и подоцна почнав да работам. На факултет имав стипендија и бев независна колку – толку. Има и луѓе кои дошле во Полска без никакви врски со земјата. Сега веќе 3.5 години живеам во Германија“, рече Светозаров.

Тихомир Давчев кој работи во Оман објаснува дека неколку месеци се потребни за привикнување на животот во оваа земја.

„Во Оман треба неколку месеци за да се привикнеш на климата, начинот на живот и односот на луѓето. Не е толку тешко бидејќи луѓето се љубезни и сакаат да помогнат на секој чекор. Многу зависи од тоа колку си отворен за дружење со локалци и од тоа какви кругови на луѓе ќе запознаеш, преку работа, спорт или заеднички пријатели“, вели Давчев.

Кристина Костова во 2011 година заминала во Братислава, Словачка. Првата година учела јазик, потоа се запишала на факултет и подоцна се вработила. 

„Мене лично ми требаше година или година и пол да се стабилизирам, да ги научам навиките, традициите, и да сфатам што може, а што не. Најголем фактор според мене беше тоа што првата година кога дојдов се дружев со Балканци, Македонци, Срби, Хрвати. Кога се запишав на факултет постепено имав и многу пријатели Словаци, повеќе отколку наши - многу од нив и си заминаа“, вели Костова. 

Според неа, важно е секој кој ќе замине во странство да ја почитува земјата домаќин.

Според електронскиот попис направен во 2021 година, Македонци живеат не само во европските земји, туку ги има на сите континенти, дури и во Северна Кореја, на Малдивите, Фарските Острови, Микронезија, во Доминиканската Република, па дури и на Антарктикот.

Сања Атанасовска

foto freepik.com/prostooleh

Можеби ќе ве интересира

ПРОБЛЕМ Е НАПАДОТ ВО БАЊСКА: Oсмани ќе побара Македонија да излезе од Отворен Балкан

ПРОБЛЕМ Е НАПАДОТ ВО БАЊСКА: Oсмани ќе побара Македонија да излезе од Отворен Балкан

МЗ: Се осовременува календарот за имунизација со деветвалентна вакцина против ХПВ, вакцината ќе биде достапна и за момчињата

МЗ: Се осовременува календарот за имунизација со деветвалентна вакцина против ХПВ, вакцината ќе биде достапна и за момчињата

ЗАСЕГА ЕДЕН МАКЕДОНСКИ ДРЖАВЈАНИН ПОБАРАЛ ЕВАКУАЦИЈА ОД ИЗРАЕЛ - Бујар Османи апелира сите наши граѓани таму да остават свои броеви до МНР

ЗАСЕГА ЕДЕН МАКЕДОНСКИ ДРЖАВЈАНИН ПОБАРАЛ ЕВАКУАЦИЈА ОД ИЗРАЕЛ - Бујар Османи апелира сите наши граѓани таму да остават свои броеви до МНР

„ДОБИВАЛЕ СОЦИЈАЛНА ПОМОШ ИАКО НЕ ТРЕБАЛО“: министерот вели дека државата е оштетена за над 2,5 милиони евра

„ДОБИВАЛЕ СОЦИЈАЛНА ПОМОШ ИАКО НЕ ТРЕБАЛО“: министерот вели дека државата е оштетена за над 2,5 милиони евра

ПО ГОЛЕМАТА АКЦИЈА ВО ИДРИЗОВО: Уапсени 17 припадници на затворската полиција

ПО ГОЛЕМАТА АКЦИЈА ВО ИДРИЗОВО: Уапсени 17 припадници на затворската полиција

„ЛЕКУВАЊЕТО СИ ГО ПЛАЌАМЕ ПРИВАТНО“: Специјализантите стапија во штрајк, бараат повисоки плати, но и здравствено осигурување

„ЛЕКУВАЊЕТО СИ ГО ПЛАЌАМЕ ПРИВАТНО“: Специјализантите стапија во штрајк, бараат повисоки плати, но и здравствено осигурување

„МОРА ДА ГИ СИМНЕМЕ ОД РАКОВОДНИ ПОЗИЦИИ СИТЕ НЕУКИ, НЕИСКУСНИ КОИ ДОШЛЕ ДА РАКОВОДАТ КАКО НАГРАДА ЗА ЛЕПЕЊЕ ПЛАКАТИ“: Најчевска вели СДСМ-ДУИ-ДПМНЕ се плашат од знаење

„МОРА ДА ГИ СИМНЕМЕ ОД РАКОВОДНИ ПОЗИЦИИ СИТЕ НЕУКИ, НЕИСКУСНИ КОИ ДОШЛЕ ДА РАКОВОДАТ КАКО НАГРАДА ЗА ЛЕПЕЊЕ ПЛАКАТИ“: Најчевска вели СДСМ-ДУИ-ДПМНЕ се плашат од знаење

СКОПЈЕ Е НАЈНЕБЕЗБЕДЕН ГРАД НА БАЛКАНОТ: Македонската метропола е на првото место по небезбедност

СКОПЈЕ Е НАЈНЕБЕЗБЕДЕН ГРАД НА БАЛКАНОТ: Македонската метропола е на првото место по небезбедност

ОСМАНИ ОБЛЕКУВА ЧЕВЛИ, ПЕНДАРОВСКИ ИГРА ОРО, МИЦКОСКИ ДРЖИ „ЛАЈФ“ ГОВОРИ: Политичарите станаа тиктокери, дали се снаоѓаат добро?

ОСМАНИ ОБЛЕКУВА ЧЕВЛИ, ПЕНДАРОВСКИ ИГРА ОРО, МИЦКОСКИ ДРЖИ „ЛАЈФ“ ГОВОРИ: Политичарите станаа тиктокери, дали се снаоѓаат добро?