Македонците се насочија кон имоти на Црно Море, a Турците масовно купуваат во Пловдив!

Добивај вести на Viber

Турски претприемачи бараат да изнајмат или купат имот во Пловдив. Ова обично се луѓе кои почнуваат свој бизнис во Бугарија или ја прошируваат својата мрежа од канцеларии. Тие бараат и места за производство или трговија, како и магацини. Ова станува јасно од годишната анализа на Здружението „Брокери на имот”. Засега интересот на странските бизнисмени не влијаеше на цените во регионот и тие остануваат стабилни, пренесуваат бугарските медиуми. Податоците на Брокерите укажуваат дека освен Турците , најактивни во купувања на имот во Бугарија се државјани и компании од Русија, Грција, Кипар, Израел и Македонија. Следни кои ќе сакаат да купат имот во Бугарија ќе бидат богати граѓани на ризични држави од Блискиот Исток и Африка , прогнозираат од трговска организација. Оттаму предвидуваат и друг тренд – Размена на имот меѓу грчки граѓани. Жителите на Грција, кои купиле имот пред кризата, сега го продаваат на свои сограѓани. Новите сопственици се луѓе кои го преместуваат бизнисот во Бугарија, имајќи ја предвид ситуацијата во Грција, коментираат брокерите. Размена на имот има и меѓу Британците и Русите. Поданиците на кралицата главно ги продаваат своите имоти покрај морето, наведува весникот “Стандард” . Најголем е интересот на руските клиенти кон Јужното крајбрежје на Црното Море – од Резиме до Царево , каде што цените на новата градба се движат од 500 до 1000 евра на метар квадратен. Поради големата побарувачка, во регионот бурно се развива изградбата