Македонците во Австралија и Италија со поддршка „За заедничка Македонија“

Добивај вести на Viber

Од  македонската дијаспора од Сиднеј, Австралија велат дека иако се 20.000 км оддалечени од Македонија, сепак будно ја следат политичката ситуација и се длабоко загрижени за иднината на земјата.

Тие ја поддржуваат иницијативата „За заедничка Македонија“ и се против „Тиранската платформа“, воведување на двојазичноста, федерализација, промена на Уставот, знамето и химната. 

„Ние не сме против другите народи што живеат во Македонија и ги повикуваме и тие да се приклучат во одбрана на она што ни го оставиле нашите татковци.  Каде и да сме расеани во светот со мислите сме во родната земја, земјата на нашите браќа, сестри, татковци, дедовци и предедовци кои ги дале своите животи за Македонија. Македонија е библиска земја запишана во Библијата од Бога и никој нема право да ја отпишува, да се пазари за нејзиното име, нејзината химна, нејзиниот јазик и знаме. Никој нема право да ја федерализира и распарчува“ - велат Македонците од Австралија. 

Поддршка стигна и од Македонците во Италија. 

Во Македонија со денови има собири во повеќето градови против платформата на албанските партии.