Македонец почина од корона во Ливерпул, се собираат пари за да се донесе телото
Објавено во: Македонија 12 Јануари, 2022
Прилепчанец од Ливерпул починал од Ковид, a пријателите собираат пари да го погребаат во Македонија.
Глигор Кедиоски (45) кој со семејството живеел во Ливерпул одбивал да се вакцинира, но се заразил со Ковид-19 и починал, пишува „Liverpool Echo“. Во средината на декември се заразил со коронавирусот. Поминал околу три недели во болница, по што бил ставен во индуцирана кома. Тој починал на 2 јануари од последиците на инфекцијата со коронавирус.
Бил вработен во фабрика а во текот на пандемијата работел како доставувач. Неговите пријатели и семејство сега собираат пари за телото на Глигор, според неговите желби, да се однесе во Македонија.