МАКЕДОНИЈА ЦРНА ЕКОЛОШКА ТОЧКА НА БАЛКАНОТ: Што ли дишеме и што не труе?
Објавено во: Македонија 04 Декември, 2018
Скопјани и утрово се разбудија дишејќи на шкрги. Синоќа легнаа со загаден воздух кој пече на очи и грло а апликацијата „Мој воздух“ која ја мери загадувањето покажува дека утринава нивото на загаденост е надминато во скоро сите скопски општини a фотографиите го докажуваат токму тоа.
Не може да се дише секоја зима а иако автомобилите се посочуваат како големи загадувачи овој проблем во летниот период речиси и да не постои.
Индексот на загадување во околината на Ректорат во 9 часот е 115, во Карпош 124, а во Центар е 132.
Скопје не ја дава титулата најзагаден град и е седми на листата најзагадени градови во светот, според апликацијата „Air Visual“ .
Од Балканот најзагадена синоќа беше Приштина, а претходно околу 14 часот Сараево беше најзагден град во светот.
Засега мерките на надлежните остануваат само на хартија. Резултатот со вакви нивоа на загаденост не се воопшто видливи а маските не можат да не спасат од она што го дишеме.