Македонија годинава со поголема потреба за енергија

Добивај вести на Viber

Оваа година вкупната потрошувачка на енергија во земјава ќе порасне за 2,3%. 

Потрошувачката на електрична енергија ќе зависи од работата на индустриските капацитети кои учествуваат со 20% во вкупната потрошувачка. 

И годинава сообраќајот ќе биде најголем потрошувач на енергија, а во вкупната потрошувачка најголем удел од 50%  ќе имаат нафтените деривати, струјата ќе учествува со 27, а јагленот со 6%, предвидува Предлог-енергетскиот биланс за 2017 година.

Енергетскиот биланс е документ кој ја содржи целокупната потрошувачка на сите енергенси во државата за една година и ги опишува консументите, односно потрошувачката на енергијата. За периодот 2013 – 2017 година предвидува пораст на потрошувачката на сите енергенси со просечна стапка од 3,3 проценти на годишно ниво.

Експертите очекуваат дека потрошувачката на електрична енергија кај домаќинствата ќе остане непроменета. Велат дека со нејзино намалување може да се дојде дури по целосната гасификација на земјава.

Во билансот е предвидено и годинава да расте учеството на обновливите извори на енергија, но, според аналитичарите, хидроелектраните и ветерниот парк не можат да го ублажат недостигот атокот на струја, затоа што тие зависат од временските услови. Се предвидува и дека ќе има неповолна хидролошка состојба и да расте побарувачката на гас.