Македонија и Турција со заеднички сили до подобро земјоделство

Добивај вести на Viber

Продлабочување на соработката и потпишувањето  Меморандум за разбирање во областа на земјоделството беше причината поради која министерот за земјоделство, шумарство и водостопанство Љупчо Димовски и замина во дводневна посета на Турција. Таму се сретна со својот колега, министерот Мехди Екер , а на состанокот во Анкара биле утврдени идните чекори заедничката соработка во областа на  земјоделството. Како што стои во соопштението на МЗШВ, Екер истакнал дека Балканот и балканските држави за Турција претставуваат порта кон Европа и оти потребно е да се зајакне соработката. „Со потпишувањето на овој Меморандум за разбирање ќе се поттикнат сите области, односно потсектори во земјоделството, а со тоа ќе имаме и подобри резултати. Со овој договор ќе се формира Комитет за управување во земјоделството, кој во иднина редовно ќе се состанува за разгледување на моменталната состојба, како и носење на одлуки кои ќе се спроведуваат“, посочил Екер и најавил поддршката за Македонија и во иднина. Според турскиот министер, доказ за добрите односи меѓу земјите е тоа што лани меѓусебната трговска размена изнесува околу 378 милиони долари, а соработката во земјоделството 27 милиони долари. Како што се посоува во Меморандумот, Македонија и Турција ќе соработуваат во областа на растителното производство, производството и обработката на суров тутун во лист, сточарството, рибарството и аквакултурата, органското земјоделско производство, прехранбената индустрија, истражувањето, руралниот развој, шумарството, како и други области.