Македонија магнет за странски инвестиции и лидер во регионот
Објавено во: Економија 30 Мај, 2015
Последниот извештај на „Ernst & Young“ за „ European FDI Attractiveness survey“ покажува позитивни резултати во секторот на странските инвестиции во Македонија.
За разлика од 2013 бројот на ново отворени работни места од страна на странските инвеститори е зголемен за 223%.
Извештајот покажува дека во 2013 година сме имале 1156 новоотворени работни места додека лани оваа бројка била 5020, што ја прави Македонија лидер во регионот и магнет за привлекување на странски инвеститори.
Според анализите на „Еrnst & young“ на чија листа се нашле 43 земји во Европа, 2014 година била рекордна по странските инвестиции воопшто во Европа.
Бројот на проекти во нив е зголемен за 10% или отворени се 4.341 нови проекти кои помогнаа да бидат отворени 185.583 нови работни места или близу 20.000 повеќе од 2013 година.
Погледнете го извештајот во табелата.
Серија странски инвестиции најавени за летово
Летово се очекува инветсициско градежен бум во слободно економските зони.
Имено, се предвидува пет странски инвеститори почнуваат со изградба на новите фабрики гринфилд капацитети во индустриските зони и уште толку странски инвеститори почнуваат со работа во браунфилд закупените простории.
Портпаролот Ѓорѓиев најави за неполн месец инвестиција вредна 20 милиони евра на американската компанија Гентерм во зоната во Прилеп и истата би требало да вработи 2000 лица.
Камен темелник за јули се планира и за фабриката на германската ОДВ Електрик во Струга. Ќе вложи 15 милиони евра и најави нови 1.000 работни места. За два месеци во Штип почнува со градба италијанска Кондево, а во исто време тоа ќе го направи и турската Менсан Аутомотив и италијанската Монтанте Груп.
Мизо: 2014 најуспешна по странски инвестиции
Изминатата година е најуспешна за Република Македонија по однос на странски инвестиции кои влегле или најавиле дека ќе дојдат во земјава. Дури 13 инвеститори пројавиле интерес да отпочнат бизнис, некои веќе отпочнале, а некои во најава се чека д почнат да го шират својот бизнис и што е најважно за нас да вложат сопствен капитал.
Според директорот на Дирекцијата за технолошко – индустриски и развојни зони, ТИРЗ, Виктор Мизо, компаниите кои отвориле свои претставништва во индустриско – развојните зоните отвориле илјадници нови работни места, а извозот од земјава забележал пораст за повеќе од половина односно 54 отсто повеќе во споредба со претходната година.
„Оваа бројка уште повеќе ќе се зголеми идната година, само врз основа на најавите на постоечките компании кои се веќе инвеститори. Нивните бројки кажуваат дека ќе има зголемување од 10 до 15 проценти идната година“, изјави директорот на ТИРЗ, Виктор Мизо.