Македонија нема традиција за револуционерни подвизи!

Добивај вести на Viber

Експертската јавност смета дека Македонците тешко се решаваат на штрајкови, протести затоа што се соочуваат со настани кои длабоко ги истрауматизирале. Невработеност од околу 30%, секој трет Македонец живее во сиромаштија, живеачка која станува неподнослива – вакви податоци на некое друго место би предизвикале социјална револуција, но не и кај нас. Зошто Македонецот не умее јавно да манифестира револт ако е незадоволен од нешто. Апатија, несигурност и неспособност да се организираат за подобро утре, смета домашната експертска јавност. Во земјава според нив владее егоизам, страв, несигурност. Експерти: Македонците се истрауматизирани „Граѓаните на Македонија се соочуваат со настани кои длабоко ги унесреќија и ги трауматизираа. Тие настани кај македонски граѓани предизвикаа несигурност и неизвесност, синдром на недоверба, како и дезориентација во поглед на културата. Овие симптоми укажуваат дека во нашиот социо-културен контекст нема традиција за активно дејствување на граѓаните во сите сегменти од социјалниот живот“, вели универзитетскиот професор Марија Дракуловска Чукалевска, од институтот за социологија при УКИМ. Земјава во изминативе неколку години не памети генерални штрајкови кои би го парализирале функционирањето на државата. Најмасовниот во изминатава деценија се случи во 2002 година, тогаш штрајкуваше јавната администрација. Река од луѓе беа собрани пред Владата. Синдикалните и студентските организации наместо противник и коректор на власта станаа партнери Синдикалните и студентските организации во земјава се изгубија. Студентите насекаде во светот се клучниот двигател на едно општество. А што се случува во Македонија, синдикатите станаа приврзок на владите (без разлика кој е на власт) и секогаш само немо набљудуваат кога се кратеа работничките права. Огромната поларизираност во Македонија конечно ги даде посакуваните резултати, секако за политичките елити, не и за општото добро на граѓаните. „АМАН“ требаше да ги обедини сите без разлика на партиската опредленост Граѓанската инцијатива „АМАН“ требаше да го разбуди заспаниот македонски граѓанин, но не успеа. Да не протестираш против поскапување или укинување на „евтина струја“ е тешко да се сфати. Но, затоа за разлика од кај нас во Бугарија, тамошните граѓани решија да ја игнорираат политиката. Повеќе илјади лица протестираа во десетина градови низ Бугарија поради исклучително високите цени на електричната енергија во јануари. Во бугарскиот главен град Софија околу 3.000 лица излегоа пред парламентот и министерствата за економија и енергетика, извикувајќи „мафија“ и „поднесете оставки“. Протести се одржаа во десетина други градови, меѓу кои и Варна, на брегот на Црно Море, каде околу 5.000 лица демонстрираа пред зградата на електродистрибуција. Демонстрантите тврдат дека сметките за струја ги надминуваат реалните цени за околу 120 проценти. Словенците се организираа преку фејсбук Околу 20 илјади луѓе протестираа неодамна пред парламентот на Словенија против Владата и политичките елити, што е досега најголем број учесници на протестен собир кои периодично се повторуваат во словенечките градови речиси три месеца. Претходно, околу 100.000 државни службеници излегоа на штрајк во знак на протест против строгите мерки за штедење, преземени од Владата. Не работеа ниту училиштата и градинките, а здравствените установи примаа само итни случаи. Штрајкуваа и пожарникари, општински службеници, полицијата и царината. Аргентинско чудо Аргентина пред десетина година минуваше низ најтешката криза во својата истроија. Луѓето демонстрираа на улиците со тенџериња и тави, протестираа против условите во земјата и против политичарите кои се одговорни за тешката состојба. Демонстрантите пееја: „Да ве нема“! Децата гладуваа, а имаше и судири, во кои животот го загубија 40 луѓе. Денес, Аргентиците имаат повеќе пари и трошат многу повеќе. Мишко Иванов