„МАКЕДОНИЈА ПОЛЕКА НО СИГУРНО СТАНУВА МАЛА СРБИЈА“: „Па ајде јунаци, да ја вратиме ѕвездата на знамето и грбот“, вели критички Салиу

Добивај вести на Viber

Новинарот Фуркан Салиу вели дека Македонија станува мала Србија, заради тоа што го блокираме евроинтегративниот процес.

„Македонија полека, но сигурно станува мала Србија. Меѓународниот фактор е зафатен со поголеми прашања, а државниот врв тоа умешно го користи за да се прешалта таму каде што смета дека припаѓаме – во друштво со Вучиќ, Орбан и тајфата на лузери околу нив, кои напорно работат против Европа и во полза на Русија.

Помина една година откако имаме нова претседателка. Во текот на овие 12 месеци, таа има реализирано само четири официјални посети во странство: Казахстан, Азербејџан, Бугарија и Црна Гора.

Кај повеќето министри, првата меѓународна посета беше во Белград. Првиот кредит што го добивме – од Орбан.

Во меѓувреме, патриотски го блокираме патот кон ЕУ, бидејќи следат локални избори.

Зошто токму сега ВМРО-ДПМНЕ лансира нови напади кон поранешниот министер за надворешни работи?

Едноставно е – затоа што не очекува ново фијаско на меѓународната сцена.

Но, тоа го сака овој народ, нели? Во големо мнозинство гласаше за влада која што нема да ги изгласа уставните измени. За влада која ќе го врати името.

И така, довербата во ЕУ опаѓа, а поддршката за авторитарните режими расте.

Па, ајде јунаци – отворено направете го тоа што го посакувате. Тоа за што цел живот сонувате.

Да ја вратиме ѕвездата во знамето и грбот. И да ја вратиме државата таму каде што, според вас, припаѓа“, напиша тој.