Македонија со нова воздушна рута за Грција

Добивај вести на Viber

На 27-ми јуни македонската контрола за летање „М-НАВ“ ќе отвори нова воздушна рута кон Грција, со што очекува да се зголеми бројот на прелети над земјава. Рутата за авиони, која веќе е договорена во седиштето на „Евроконтрол“ во Брисел, ќе почнува на македонско- албанската граница кај Дебар, па преку Маврово и Битола ќе сече јужно од Атина и ќе завршува на аеродромите во Северна Африка. Најавеното отворање на косовското небо во април 2014 година влева надеж дека ќе се зголеми бројот на авиони на македонското небо, пишува Дневник. Инаку, во првото тримесечје од годинава авиосообраќајот во Европа забележа најголем пад во последните пет години како последица од долгата економската криза, високите цени на керозинот, намалениот интерес на европските туристи за одмор во Грција и во политички нестабилните земји во Северна Африка и затворањето на неколку авиокомпании. Ова намалување силно се одрази и врз Македонија која, како и сите други земји во регионот, во првите три месеци од годинава забележа негативни резултати во врска со бројот на прелетите.