„Македонија турист“ оствари профит од 3,49 милиони евра

Добивај вести на Viber

Хотелската групација „Македонијатурист“ 2012 година ја заврши со добивка од 3,49 милиони евра, што претставува раст од 8% споредено со претходната година, покажува финансискиот извештај на компанијата објавен на Македонска берза. Компанијата која во својот состав има седум  хотели „Холидеј Ин“, „Бристол“, „Бест вестерн Турист“, „Карпош“, „Јадран“, „Водно“, „Белви“ лани остварила вкупни оперативни приходи од 7,53 милиони евра, што е за 1% помалку, споредено со  7,6 милиони евра вкупни приходи реализирани во 2011 година. Во исто време расходите се намалени за 11% на 4,93 милиони евра, споредено со 6,52 милиони евра во 2011 година. Добивката по акција изнесува 477 денари, а приносот изнесува 14% од последната просечна пазарна цена на таа акција постигната на Македонската берза за хартии од вредност. Најголем трошок за „Македонијатурист“ лани биле вработените за што се издвоени 114 милиони денари односно 5% повеќе од 2011 година. Во исто време, вкупните обврски на хотелската групација  изнесуваат само 79,4 милиони денари (1,29 милиони евра)  од кои кредит се само 35,7 милиони денари (582 илјади евра)