Македонска банка за поддршка на развојот: Поволни кредити за земјоделските бизниси
Објавено во: Агробизнис 26 Ноември, 2012
Девет компании од земјоделскиот сектор имаат искористено 2,8 милиони евра од поволниот кредит што го пласира Македонската банка за поддршка на развојот, а од банката информираат дека во фаза на одобрување се уште четири барања во вкупен износ од 800.000 евра.
Кредитната линија е достапна од јули и е наменета за претпријатија кои се занимаваат со производство, откуп и пласман на земјоделски производи. Каматната стапка е само три проценти, рок на отплата од пет години и грејс-период од една година.
Овие 11 милиони, заедно со кредитната линија од 100 милиони евра од Европската инвестициска банка, се директна поддршка на стопанството во услови на нарушена ликвидност и зголемени проблеми поради европската должничка криза, а имаат за цел подобрување и развој на производните и конкурентските способности на малите и средни претпријатија.
Како што стои во соопштението, преку поддршката на компаниите во овој сектор, индирекно се поддржуваат и земјоделците кои треба навреме да земат пари за откупените производи.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
