Македонски, а светски! Хотел во Гевгелија доби Златна награда за квалитет

Добивај вести на Viber

Гевгелискиот хотел „Рамада Плаза“ ја доби престижната меѓународна Златна награда за квалитет, признание кое го доделува најголемата светска хотелска компанија „Виндхам Хотел Гроуп“. За да влезе во кругот на најдобрите, „Рамада Плаза“ мораше да ги постигне највисоките резултати според стандардите за квалитет и критериумите за услуга и хигиена, како и усогласеноста со стандардите за бренд.

„Наградата е голема чест за нашиот хотел и доказ за напорната работа на нашиот кадар.Ќе продолжиме и во иднина да ги услужуваме нашите ценети гости со гаранција за исполнување на високите стандарди за квалитетни услуги и сместување. Горди сме што нашиот хотел кој постои само две години,стана конкурентен на пазарот на светски познатите хотели“, изјави Петко Митов, генерален менаџер на хотелот „Рамада Плаза“ во Гевгелија.

„Виндам Хотел Груп" е најголем светски провајдер и франшизер на разновидни производи и услуги поврзани со патувања за бизнис и индивидуални корисници, со сопственост на 15 брендови, 7.260 хотели, 618.100 соби во 66 држави низ целиот свет. Еден од неговите брендови е „Рамада Ворлдвајд", синџир од 900 хотели во над 50 држави, а „Рамада Плаза Гевгелија" (Принцесс Гроуп) како дел од тој синџир постои од 2010 година, со локација на граничниот премин Богородица во Република Македонија.