Македонски лекари ќе се обучуваат во „Свето Срце“-болницата на Папата
Објавено во: Мои пари 23 Јуни, 2013
Македонски лекари од торакалната сфера ќе се обучуваат на Католичкиот универзитет „Свето Срце“ при болницата „Агостино Џемели“, во Рим, Италија.
„Ендоскопската операција на тироидната жлезда може да се усоврши за 6 месеци, по што оваа метода ќе се применува и кај нас“, вели министерот за здравство Никола Тодоров.
Можноста за стекнување знаења во оваа болница која е во рамките на Католичкиот Универзитет ,, Свето срце,, во Рим, се овозможи со денеска потпишаниот меморандум за соработка меѓу министерот за здравство Никола Тодоров и деканот на Универзитетот, „Свето Срце“ Проф. Др Роко Белантоне.
Во тимот со Белантоне беше и директорот на болницата Агостино Џемели Проф.Доктор Гуидо Костамања хирург кој ќе ги обучува македонските лекари и кој го оперирал Папата Јован Павле втори.
Досега во „Свето Срце“ се обучувале тројца македонски лекари од областа на гастроентерохепатологијата.
Во следната фаза обуката ќе се прошири и од областа на хирургија на тиреоидеја. Со едукација на македонските лекари ќе се овозможи примена на оваа напредна хируршка метода првпат во регионот.
„Свето Срце“ е наголемиот католички универзитет, а болницата која е во состав на универзитетот е најпозната католичка здравствена установа во светот. Во оваа болница досега се едуцирале околу 2000 лекари од разни земји.
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
