Македонски претставници на Самит за земјоделство во Берлин
Објавено во: Агробизнис 19 Јануари, 2013
Министерот за земјоделство, шумарство и водостопанство Љупчо Димовски денеска во Берлин ќе учествува на Самитот на министри за земјоделство, што се одржува во рамките на Меѓународниот саем за храна, земјоделство и хортикултура „Зелена недела“.
Како што стои во соопштението на Министерството, на годинашниот Самит на министри, главна тема ќе биде прифаќањето на фактот дека земјоделството игра клучна улога во исхраната на популацијата која на глобално ниво сè повеќе расте и дека е неразделно поврзано со искоренувањето на сиромаштијата, особено во земјите во развој.
Акцент исто така ќе се стави и на инвестирањето во одржливо земјоделство и рурален развој, што е од суштинско значење за да се оствари правото на соодветна храна.