Македонски Телеком, како дел од Дојче Телеком се претстави на Светскиот конгрес на мобилни технологии во Барселона
Објавено во: Мои пари 02 Март, 2017
Иновативни решенија за првпат се тестираат во Македонија
Македонски телеком на Светскиот конгрес на мобилни технологии во Барселона ги презентираше новите „Well – FI“и „Seamless Connectivity“ решенија кои се развиени од Дојче Телеком. Македонија е првата земја во групацијата каде се тестираат овие пилот проекти, а се очекува веќе наредната година да бидат достапни за корисниците.
„Со новите решенија ќе им овозможиме на корисниците поголема брзина, сигурност и капацитет на интернет услугите. Со комбинација на фиксната и на мобилната мрежа ќе се добие подобар сигнал во секое време и на секое место. Секаде ќе обезбедиме добро поврзување за корисникот да ужива во подобри услуги без разлика каде и да се наоѓа “, изјави Андреас Маиерхофер-главен извршен директор на Македонски телеком.
На Светскиот конгрес за мобилни технологии во Барселона, голем интерес предизвика 5 G технологијата на иднината која ја презентираше Дојче Телеком. Оваа технологија не само што ќе донесе поголема стабилност на сигналот и побрз интернет, туку и ќе направи голем исчекор во секојдневниот живот и бизнисот. 5G сосема ќе го смени начинот на кој функционира нашето општество: машините ќе комуницираат со други машини, ќе живееме во паметни домови и паметни градови, ќе возиме паметни автомобили, како и многу други придобивки, кои денес не можеме ни да ги замислиме.Се очекува оваа технологија да биде имплементирана во Европа до 2020 година.
На светскиот конгрес на мобилни технологии во Барселона се претставија 800 оператори и 300 компании во светот.
Можеби ќе ве интересира
Бимилк го прослави светскиот ден на семејството: НТЦ семинар за вработените и стручните лица од образовните институции со д-р Ранко Рајовиќ
„Макпетрол“: Со позитивна енергија во Градски Парк да застанеме на патот на врсничкото насилство
„Алкалоид“ со две признанија за придонес во безбедноста и здравјето на своите вработени
14 македонски студентки по технички науки на првиот глобален состанок на иницијативата Global Engineer Girls на Групацијата Лимак
dm Beauty o’clock: Незаборавен beauty настан кој ги постави стандардите за убавина на едно ново, многу високо ниво!
Што да очекувате од пазарот на недвижности во иднина?
САМИТ НА МАКЕДОНИЈА2025: Неопходен е консензус на патот до просперитет и една визија за забрзан раст
