Македонскиот „Seavus“ со свое претставништво во Белград

Добивај вести на Viber

Веќе два месеци македонскиот лидер за извоз на софтверски услуги  Seavus успешно работи и во Белград, каде се позиционираше со својата подружница.  По успешниот почеток,  подружницата активно оперира со клиенти од Шведска, Шпанија, Германија, Швајцарија и САД. -Во Србија сме присутни од 2005 година преку канцеларијата во Ниш, странска инвестицијата која оваа година ја проширивме и во главниот град на Србија, Белград. Отварањето на подружницата во Белград , е производ на стратегијата за интернационализација на Seavus, која ни овозможува да бидеме постојано присутни,блиску до клиентите и навремено да одговориме на нивните потреби.”, вели оперативниот директор на Seavus, Коча Бошку. Подружницата на Seavus во Белград во моментов оперира со десет вработени, бројка која се очекува да се зголеми трократно во текот на 2013 година. Со тоа, канцелариите на Seavus во Србија вкупно ќе бројат 100 вработени. -Ова нас не рангира во препознатлив странски инвеститор во Србија, не само по бројот на вработени, туку и по важноста на клиентите со кои работиме,, - додава Бошку. Зголемената побарувачка за напредни технолошки решенија е причината поради која Seavus постојано вложува во нови проекти, кадри и експертиза. Иако доминантниот дел од кадрите на Seavus (70%) се во Македонија и работат во централата во Скопје, додека 97 отсто од работата на Seavus е надвор од македонските граници. Интернационализацијата на оваа македонска компанија ќе продолжи и во 2013 година и во други европски земји, со што ќе продолжи да ја реализира својата успешна развојна стратегија во и  надвор од националните граници.