Македонските дипломати на листата неплаќачи на казни
Објавено во: Свет 16 Септември, 2013
Дипломатските претставници во американскиот главен град се должни да плаќаат казни за недозволено паркирње, брзо возење или минување на црвено светло, но тие тоа многу често не го прават, наведува американската телевизија „Ен-Би-Си“.
Рекоред според долгот е Камерун, чии дипломати во Вашингтон немаат платено дури 317 казни во вкупна вредност од 25 илјади долари.
На второ место се дипломатите од Мавританија со 174 казни, а на трето место е Нигерија.
Од балканските земји најмногу неплатени казни имаат хрватските дипломати со вкупно 18 неплатени казни (1.692 долара), следат Словенците со 12 (1.055 долари), дипломатите од Македонија со 10 казни (940 долари) и од Босна и Херцеговина со седум казни (570 долари).
Според полицијата од американскиот главен град наплатата на казни кај дипломатите изнесува околу 78 отсто, што е во просекот, како и кај обичните американски граѓани.