Добивај вести на Viber
Со цел подобра едукација, стекнување нови искуства и знаења, повеќе македонски извршни директори, претприемачи и претставници на бизнис секторот, инаку предводени од Македонија 2025, добија можност да заминат во работна посета на неколку од најуспешните канадски компании како Сириус Икс Ем Канада, Микрософт Канада, Телус Интернешнел, Магна Интернешнел, Сиарс Канада, Сапуто Инкорпорејтед и Канадиан Бомбардиер.
За време на престојот во Торонто бизнисмените имаа можност да се сретнат со потенцијалните соработници од овие компании и да бидат промотори на идната трговска размена и промоција на Македонија.
Македонската делегација притоа учеше за корпоративната култура во Канада и за клучните вредности на канадските компании како отворената комуникација, тимската работа и континуираното мотивирање на вработените.
Во вториот дел од работната посета тие ја следеа Извршна програма за стратегиска промена на Шулих Школата за Бизнис за чија школарина се погрижи „Македонија 2025“.
Целта на овој, соопшти организаторот е да помогне во создавање стратегијата на една организација чиј инструктор на оваа програма е Рона Беренгут, вонреден професор на Шулих Школата за Бизнис, Основач на Сигма Стратешки Решенија и добитник на голем број награди од областа на стратегискиот менаџмент.
Според „Македонија 2025“, посетата поминала успешно, а сега треба знаењето и искуството стекнати за време на оваа програма да им помогнат на македонските бизнисмени во идната работа.