МАКЕДОНСКИТЕ ПЕНЗИОНЕРИ ЗЕМААТ НАЈНИСКИ ПЕНЗИИ ВО РЕГИОНОТ: Хрватите земаат 449, Србите 341, Црногорците 464, а Македонците 310 евра

Добивај вести на Viber

Иако општото мислење е дека хрватските пензионери предничат според приходите, тие беа претекнати од Црна Гора, каде пензиите годинава пораснаа три пати, за вкупно 16 проценти. Од почетокот на следната година следуваат нови зголемувања, а најголемите од 14,8 отсто се најавени во Србија.

Поради инфлацијата и политичките случувања, пензиите не растат само во Хрватска, туку и во нејзините соседни земји. Според најавите, приходите на пензионерите ќе се зголемат од јануари 2024 година во Србија, Црна Гора Босна и Херцеговина. 

Просечната пензија во Хрватска порасна за рекордни 8,42 отсто во последното усогласување, што е најголем скок во последните 24 години. За сите 1,13 милиони пензионери изнесува 449 евра.

Кога ќе го издвоиме делот од пензиите исплатени според меѓународните договори, просечната пензија се искачува на 507,63 евра и како таква претставува 43 отсто од просечната хрватска плата. Пензионерите чекаат постојан додаток, своевидна 13-та пензија, а раст се очекува со јануарското усогласување од три до пет проценти.

Босна и Херцеговина – 344 евра

Просечната пензија на независните корисници на пензија изнесува 675,61 конвертибилни марки или 344 евра, покажуваат податоците на тамошниот Сојузен завод за пензиско и инвалидско осигурување.

Сојузниот министер за труд и социјална политика Аднан Делиќ најави зголемување на пензиите на почетокот на следната година. Редовното усогласување на почетокот на годинава на нашите соседи им донесе 11,1 отсто повисока пензија.

Србија – 341 евро

По зголемувањето од 5,5 отсто во октомври, просечната пензија во Србија изнесува 341 евро. Најниската пензија за овој месец изнесува 186 евра за пензионери од категоријата вработени и самовработени, а 146 евра за земјоделците.

Максималниот износ на пензија за октомври 2023 година изнесува 1.712 евра. Како што веќе неколку пати беше најавено, од јануари ќе следи покачување на пензиите, а потоа пензиите ќе скокнат за 14,8 отсто.

Црна Гора – 464 евра

Пензиите во Црна Гора годинава се зголемија три пати. Растот во февруари е 2,5 отсто, во јуни 8,1 отсто, а во септември 5,5 отсто. Така просечната старосна пензија за септември скокна на 464 евра. Сегашната минимална пензија исплатена за септември е само 300 евра, а според најавата на новиот црногорски премиер би се зголемила за 50 отсто.

Македонија - 310 евра

За жал, Македонија има најниска просечна пензија во регионот. Иако постојано се прават усогласувања, а и премиерот Ковачевски најави ново покачување на пензиите во новата година, сепак, износот на просечната пензија е најнизок во регионот. Изразено во денари, македонските пензионери земаат просечна пензија во износ од 19.106 денари.