Македонските вина можат да се промовираат во Хрватска, надминат е проблемот за пласман на пазарот
Објавено во: Агробизнис 10 Јуни, 2019
Македонските вина ќе можат да се промовираат во Хрватска со нивните географски називи. Проблемот со пласманот кој неодамна се појави поради спорните одредбите од новиот Закон за вино на Република Хрватска, кои имаа рестриктивен карактер кон вината со потекло од Република Северна Македонија, преку комуникација со хрватските власти, успешно е надминат.
Имено, овие одредби не беа во согласност со Регулативата 1308/2013 која е облигаторна за Хрватска, како земја членка на ЕУ, ниту со Дополнителниот Протокол за вино помеѓу РСМ и ЕУ, како основен документ кој целосно ги регулира односите меѓу РСМ и ЕУ од аспект на виното. Во решавањето и надминувањето на проблемот учествуваа и претставници на Европската Комисија.
Најзасегнати од овој проблем беа винарските визби кои извезуваат вино во Република Хрватска. Имено, на истите им беше забрането во било која форма да го рекламираат и промовираат виното од РС Македонија се географските називи на истото. Ваквите рестрикции ќе предизвикаа намалување на продажбата во маркетите, кои постоеше реална опасност да престанат да го набавуваат македонското вино.
Министерот за земјоделство, шумарство и водостопанство, Љупчо Николовски, изминатиот период имаше интензивни работни средби со амбасадорката на Република Хрватска во РСМ, Данијела Баришиќ, а беше испратено и писмо до хрватскиот министер за земјоделство Томислав Толушиќ. Сега, вината со потекло од Република Северна Македонија ќе можат да се рекламираат и промовираат во Република Хрватска. Ова е од големо значeње за винарските визби, бидејќи Хрватска е втора извозна дестинација за вино во шише од Македонија.
Со брзо надминување на проблемот винарските визби повторно го нормализираа своето работење, односно продажбата на вина на пазарот во Хрватска, пред почетокот на летната туристичка сезона кога има и најголема побарувачка за вино.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
