Македонско вино стигна до Вашингтон, Вранецот најбаран
Објавено во: Агробизнис 16 Март, 2013
Четири видови македонско вино се продаваат во продавницата Мекартур на семејството Басин во Вашингтон, која е една од најстарите од ваков тип во градот. Тука се купува вино од 1957-ма, а меѓу муштериите, низ годините -претседатели, боксерски шампиони и други познати лица, пренесува Гласот на Америја на Македонски јазик.
Во продавницата инаку се продаваат 5.000 видови вино од 30-тина држави, а годишниот промет изнесува 12 милиони долари.Џон Фитер, кој е снабдувач и консултант за вина повеќе 20 години, македонското вино го открил лани за време на дегустација во македонската амбасада во Вашингтон.
„Грозјето е различно. Во вината се користи домашно македонско грозје од тоа поднебје и затоа вкусот е покомплексен од другите сорти. Вранецот е најбаран, поради неговата комплексност и длабочина на вкусот. Засега продавницата нуди само четири вина од Македонија, затоа што толкав број и се достапни“, вели Фитер за Гласот на Америка
Како најголем проблем за македонското вино, во продавницата ја истакнуваат недоволната промоција на кватитетните црвени и бели вина кои Македонија ги нуди на овој пазар.Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
