Добивај вести на Viber
Данските бизнисмени се заинтересирани за соработка со Македонија во делот на информатичката технологија, производството во индустриските зони и земјоделството, е заклучокот од денешната средба на владиниот економски тим со повеќе претставници на компании од Кралството Данска кои се во посета на Република Македонија.
Како што изјави министерот за привлекување странски инвестиции Бил Павлески, посетата на четириесетината дански бизнисмени е резултат на владиното роуд шоу во скадинавија кога беа презентирани поволностите кои Македонија им ги нуди за странските инвеститори.
„Ова е доказ дека нашите бизнис форуми имаат резултат. Компаниите доаѓаат да ги видат можностите за отворање бизнис во Македонија“, истакна Павлески.