Македонското земјоделство интересно за руските бизнисмени

Добивај вести на Viber

Преку конкретни проекти од областа на земјоделството, но и обезбедување на либерализација на трговскиот режим за земјоделски производи, ќе се  унапредува на парламентарната соработка на Македонија и Долниот дом на Руската државна дума. На средбата во Русија денеска заминaa Министерот за земјоделство, шумарство и водостопанство Љупчо Димовски заедно со директорот на Агенцијата за храна и ветеринарство Дејан Рунтевски

Ккао што соопштија владините претставници, соговорниците изразиле интерес за зголемување на обемот на трговската размена меѓу двете земји преку доделување на преференцијали како прв чекор кон либерализацијата на трговските односи, зголемување на обемот на инвестициите во земјоделството, продлабочување на соработката во рамки на Светската трговска организација и размена на искуства во делот на реформите во земјоделството.

Било договорено и формирање на Македонско-руска парламентарна работна група за унапредување на трговската соработка каде би членувале истакнати бизнисмени.Русите пак појавиле интерес, нивна парламентарна делегација од Либералната демократска партија да ја посети Република Македонија до крајот на годинава.

Како дел од оваа делегацијата најавено е дека ќе бидат и истакнати руски бизнисмени кои треба да се запознаат со инвестицискиот потенцијал во делот на земјоделството, како и да восопостават директни контакти за извоз на земјоделски производи во Русија.

На средбата е искажан интерес и за унапредување на соработката меѓу Македонија и Амурскиот регон, кој се наоѓа на Далечниот исток на Руската Федерација за пренесување на искуства и знаења за технологиите на производство на земјоделски производи, добрата земјоделска пракса и агро-технички мерки, како и за производство на семенски материјал.