Макошпед со помали приходи и добивка во 2012 година

Добивај вести на Viber

Шпедитерската компанија Макошпед минатата година ја заврши со намалени приходи и добивка. Според неревидираниот финансиски извештај на компанијата објавен на Македонската берза компанијата лани реализирала помали приходи за 49% и помала добивка за 94%. Вкупните оперативни приходи на Макошпед во 2012 година изнесуваат 83,5 милиони денари или 1,36 милиони евра, што е за 49% помалку споредено со 124 милиони денари или 2,03 милиони евра приходи остварени во 2011 година. При тоа приходите од продажбата бележат пад од 13% на вкупно реализирани 1,27 милиони во 2012 година за разлика од 1,44 милиони евра претходната година, покажуваат податоците од финансискиот ивештај. Според финансискиот извештај, Макошпед ги намалил расходите од работењето од 1,96 милиони евра пресметани во 2011 година, на 1,39 милиони евра лани, што е намалување на дури 40% При тоа компанијата во 2012 година ја заврши вкупна добивка од 106 илјади евра што е за 94% помалку споредено со добивката од 208 илјади евра пресметана претходната година. Макошпед АД Скопје е шпедитерска компанија која се занимава со царинско застапување, секаков вид на транспорт, осигурување на стока при транспорт, увоз-извоз, маркетинг и складирање