„Макпетрол“ по ланската загуба, очекува бруто добивка од 3,9 милиони евра годинава

Добивај вести на Viber

Нафтената компанија„Макпетрол“ планира 2013 година да ја заврши со бруто бруто добивка пред оданочување во износ од 239,3 милиони денари (3,9 милиони евра). Компанијата очекува годинава да ги зголеми и вкупните оперативни приходи на 27,8 милијарди денари, за разлика од 24,4 милијарди денари остварени во 2012 година. Во 2013 година „Макпетрол“ планира приходи од продажба на домашен пазар во износ од 26,5 милијарди денари, додека на странски пазар планира продажба во износ од 1,2 милјарди денари. Нафтената компанија „Макпетрол“ 2012 година ја заврши со пад на приходите од продажба за 1% и загуба од скоро еден милион евра. Според неревидираниот и неконсолидираниот финансиски извештај на компанијата објавен на Македонската берза вкупните продажби на „Макпетрол“ лани се намалиле за 1% и изнесуваат вкупно 24,4 милијарди денари или околу 400 милиони евра. При тоа на домашниот пазар е забележана пад на продажбата исто така за 1% на вкупно 391 милиони евра, додека продажбата на странски пазари бележи пад од 22% на вкупно 449 милиони денари или 7,3 милиони евра. „Макпетрол“ годината да ја заврши со загуба од 955 илјади евра, односно 58,9 милиони денари. Само да потсетиме нафтената компанија 2011 година ја заврши со профит од 418 илјади евра.