Макпетрол се спасува на сметка на Топлификација?

Добивај вести на Viber

Домашниот нафтен гигант „Макпетрол“ повторно се закани дека во петок ќе запре со испорака на мазут и гас кон Топлификација поради неподмирени сметки. Не е вистина велат за „Фактор“ од Топлификација, се што имаме неподмирено спрема Макпетрол се енергесите што сме ги зеле за последните две недели од ноември. „Ние до петок, 14.12 2012 ќе си ја платиме сметката за сите енергенси (мазут, природен гас) што сме ги зеле од нив заклучно со 30 ноември, оваа година. За првата половина од декември, тоа што ќе го земеме ќе го платиме до крајот на годината, а за втората половина од декември ќе си платиме до 20 јануари, 2013 година“, изјавија за „Фактор“ од Топлификација. Макпетрол додаваат од Топлификација, бараат да им плаќаме од ден за ден, тоа е невозможно. Макпетрол: Топлификација должи 3 милиони евра Првиот човек на Макпетрол, Андреја Јосифовски вчера соопшти дека „Топлификација“ има можност до петок да си го подмири долгот за испорачани мазут и гас што достигнал околу 3 милиони евра. Доколку тоа не се случи, во понеделник ќе се стопира целосно испораката на мазут и гас, што автоматски ќе ги остави без топлинска енергија сите потрошувачи, а посебно ќе се одрази катастрофално врз стопанството. Топлификација утре со ново известување за акционерите преку Македонска берза Топлификација утре повторно ќе испрати информација преку Македонска берза со која ќе ги извести акционерите за сите случувања околу компанијата. Фирмата која изминатиов период  е на работ на ликвидноста, во последно време се гуши во кредити, а доведено е во прашање нормалното функционирање. Утре според најавите компанијата ќе подмири долг од околу 300 илајди евра, односно она што е потрошено и искористено како енергенс заклучно со 30-ти ноември. За заканата на Макпетрол известена Регулаторната комисија за енергетика За новонастаната состојба Топлификација ја информирала и регулаторната комисија за енергетика. Регулаторите мора да обезбедат мерки и соодветна реакција доколку Макпетрол ја запре испораката на мазут и природен гас, доведувајќи ги во опасност домаќинствата среде зима да останат без парно греење, а тоа пак сериозно ќе се одрази и врз стопанството. Регулаторите утре треба да постпат и по однос на јавниот оглас, откако Топлификација ги врати сите три лиценци за дистрибуција производство и снабдување со топлинска енергенија, а регулаторите сега бараат нова компанија која би го презела овој бизнис. Макпетрол: За проблемите со Топлификација виновен е ТЕТО Недоразбирањата околу наплатата на енергенсите кои настанаа на релација Топлификација -„Макпетрол, според првиот човек на Макпетрол, Јосифовски биле поради многу нерешени прашања меѓу Топлификација и нејзината фирма ќерка ТЕ-ТО. „Топлификација од една страна ги враќа лиценците со што покажува дека не сака повеќе да се занимава со тој бизнис, а од друга страна моли никој да не го преземе“, изјави Јосифовски.