МАКСИМ ДИМИТРИЕВСКИ И ПАНЧЕ ЗАЕВ ГО „ЗОВРЕА“ ФЕЈСБУК - Кој е третиот син и братот по крв, а се почна со 27 април

Добивај вести на Viber

Вчера вечлрта македонската јавност имаше прилика да види своевидна препирка меѓу актуелниот кумановски градоначалник Максим Димитриевски и таткото на поранешниот премиер Зоран Заев, Панче Заев. 

Се почна кога Димитриевски, по повод петгодишнината од упадот во Собранието кој се случи на 27 април 2017 година, а кој сведочевме на големи насилства врз тогашните пратеници, кумановскиот градоначалник Димитриевски објави на Фејсбук дека правдата не смее да биде селективна, или казна за сите или пак амнестија за сите, но за жал како и секогаш, напиша тој, заглавиле само подредените и подведените, додека сценаристот, режисерите и политичарите повторно се извлекле и спогодиле. Димитриевски вели и дека историјата и идните генерации ќе судат кој правилно постапил.

На самиот негов пост коментираше Панче Заев, татко на експремиерот Зоран Заев. Еве што тој напиша. 

„Максим нели ти е срам. Беше таму, имавте среќа што извлековте живи глави и сега да имало за сите амнестија, што сорта ќе беше - ти се однесуваш како да не си оттука, срамно Максо, мојот трет син и побратим на Зоки“, коментираше Панче Заев. 

„Ви благодарам јас татко имам во Куманово, Димче се вика, амнестијата беше токму направена со политички договор во неколку наврати, мојот како што вие велите побратим по крв многу добро знае за тоа. Зошто Груевски побегна во Унгарија, кој му дозволи, зошто никој не одговараше никогаш за тоа, како тоа вратарите наши тогаш колеги пратеници денес не одговараат, зошто тој што со столови ни ги кршеше главите до ден денес не е осуден и на крај зошто до ден денес не ме повикаа никогаш повеќе да дадам изјава на суд откако во неформален разговор и реков на судијката дека тие што ги носат на суд за фрлање на сталци и статици кон нас треба мандатно да се казнат и да се испратат дома со семејствата, а вистинските виновници коишто беа сценаристи и режисери, логистика, луѓе кои отвораа врати и ја наведуваа толпата по ходниците на Собранието да одговараат. Јас верував во таа борба за живот за сите, и доколку се вратам назад низ времето со тоа убедување повторно би постапил исто драг чичко Панче, но никогаш повеќе за онаа што потоа се случуваше со методите на Груевски на квадрат во маскирана форма. Како и да е времето ќе покаже кој погрешил“, напиша Димитриевски.

Кумановскиот градоначалник на ова дпоби поддршка од голем број граѓани кои го критикуваа таткото на Заев, а велеа дека Димитриевски во клучни и суштински моменти имал свое јас. Тие прашаа и зошто Панче Заев порано не се сетил на својот син.

Панче Заев пак, на некои од граѓаните одговори: „Јас не го молев да ми биде син, тој ми се јави и ме праша дали го прифаќам, ама тогаш имаше интерес и се правеше дека му е брат на Зоки и тоа по крв“, напиша Панче Заев.