26 Јануари, 2021
0.0189

МАЛEШЕВИЈА: Добар род на аронија и слива, еве колку може да заработите

Објавено во: Македонија, Агробизнис 21 Септември, 2020

Во Беровско, оваа година има добар род на аронија и слива, но берачи многу тешко се наоѓаат, раскажуваат производителите.

Овоштарите велат дека поради пандемијата, иселувањето, но и поради тоа што стандардот расте, граѓаните тешко се нафаќаат за сезонска работа и сметаат дека дневниците се ниски. Од друга страна, производителите не се во можност да платат повеќе, бидејќи и тие се обременети со високи трошоци. Зависно од големината на плантажата, некаде бербата завршува за 3 дена, некаде за 10 дена, но ако некој сериозно се зафати да работи во сезона, за еден месец според производителите на овошје ќе заработи повеќе од минимална плата.

„Луѓето се пресметуваат, или со една нога веќе се надвор од државата, и размислуваат дека во странство повеќе ќе заработат. Работници многу тешко се наоѓаат, дури и ако се работи за неколку часа да ни се помогне. Ако работата се заврши брзо, ефикасно и квалитетно, ние знаеме да дадеме и бонус. Во Берово е тешко да се најдат берачи, а доаѓаат луѓе организирано од Кочани и Штип. Но, добри берачи ако се работи за слива денес можат да заработат и по 2.000 денари. Кога се береше шумска јагода, искусните берачи си го знаат теренот, и многу зависи од родот, дали има род и дали ќе се исплати. Ако нема род, едноставно одењето  во шума го сметаат за губење време и малтретирање. Аронијата оваа година е добра, а сливата има одличен род“, раскажува Емилија Пехчевска од Берово.

Пацка Чамовска од истиот град  објаснува дека таа поседува 100 садници аронија, така што со сопругот и со најблиските успеваат да го соберат родот, но другите се мачат да најдат работници.

„Другите имаат проблеми да ја оберат аронијата, а ние сме пензионери и со помош на роднини успеваме да ја завршиме работата“, вели таа.

Весна Севдинска, агроном од Берово објаснува дека оваа година во летото имаше дождови, и немаше штетници поради што годината е родна.

„Луѓето ангажираат работници од околните села, иако аронијата веќе се бере и со машина, но и неа треба да ја ослужуваат неколку луѓе, секако треба работна рака“, вели Свединска.

Проблемот со немање на работна сила за работа во поле и на плантажи трае последните години.

Со истиот проблем се соочуваат јаболкарите и тутунарите, кои се плашат дека дел од родот ќе им остане на нива.

Сања Атанасовска

Можеби ќе ве интересира

Во ек на здравствена криза медицински сестри со две децении искуство седат без работа

Во ек на здравствена криза медицински сестри со две децении искуство седат без работа

Груби го искоментира пописот и процентот на Албанци

Груби го искоментира пописот и процентот на Албанци

ФАКТОР НА ДЕНОТ: Македонија е подрачје со голем ризик за инфекција, денес има шест починати од коронавирусот

ФАКТОР НА ДЕНОТ: Македонија е подрачје со голем ризик за инфекција, денес има шест починати од коронавирусот

Насер Зибери е новиот народен правобранител

Насер Зибери е новиот народен правобранител

Меџити вели дека Албанците на пописот ќе бидат над 25 отсто

Меџити вели дека Албанците на пописот ќе бидат над 25 отсто

Дете изгубено во Кочани пронајдено во Гази Баба

Дете изгубено во Кочани пронајдено во Гази Баба

Колку животи однесе короната досега во земјава?

Колку животи однесе короната досега во земјава?

Каракачанов до Македонците: Ние сме еден народ

Каракачанов до Македонците: Ние сме еден народ

Од партијата на Апасиев порачуваат Груби да не глуми Биро за вработување, нудат решение

Од партијата на Апасиев порачуваат Груби да не глуми Биро за вработување, нудат решение