Добивај вести на Viber
Акционер или содружник кој смета дека друштвото во кое има сопственост е оштетено поради очигледно нереална вредност на договор за продажба или купување што го склучил менаџерскиот тим, со тужба до надлежен суд ќе може да бара поништување на договор. Ова се предвидува со предложениот Закон за измена и дополнување на Законот за трговските друштва, кој ќе стапи на сила на 1 јануари 2013 година.
-Тужбата може да се поднесе во рок од една година од денот на сознавањето за постоењето на таквиот договор, но не повеќе од три години од денот на неговото одобрување согласно одредбите на овој закон. Ако судот го поништи договорот, заинтересираната страна која стекнала корист од ваквиот договор е должна на друштвото да му ја надомести обичната штета и испуштената корист (која ја опфаќа и добивката остварена од реализираната трансакција) - стои во предлог измените на законот.
Од Владата објаснуваат дека измените се носат според препораките од Светска Банка – тимот на Doing Business, со цел да се засили заштитата на инвеститорите. Слична мерка има Австралија, Нов Зеланд и Франција.