Манчевски даде детали колку брои администрацијата
Објавено во: Македонија, Корона Вирус 30 Март, 2020
Mинистерот за информатичко општество и администрација, Дамјан Манчевски, денеска изјави дека 132.900 луѓе работат во администрацијата, и ова е состојбата заклучно со крајот на 2019 година.
Тој го презентираше извештајот за вработените во јавниот сектор. При тоа рече дека треба да се прави разлика што е јавен сектор, а што е администрација.
„Со статус на јавна администрација се 16.522 лица, ова е со други зборови централната власт“, рече министерот.
Додаде дека најголем дел од вработените се во образованието и здравството.
Во 2019 година се зголемил бројот на висококвалификуванито кадар во јавниот сектор.
„Најголем број од новите вработувања во 2019 година биле во секторот здравство“, изјави Манчевски.
Вели дека новите вработувања се прават во секторите каде тоа е најпотребно.
Изјави дека опозицијата треба да ги почека податоците пред да изнесува тврдења.
Во однос предлогот администрацијата да зема минималец додека трае коронакризата, вели дека Владата брзо ќе донесе одлука.