Манчевски: На сите деца им овозможуваме интернет за да ја следат наставата
Објавено во: Македонија, Корона Вирус 07 Април, 2020
Mинистерот за информатичко општество и администрација Дамјан Манчевски изјави дека договорот кој го потпиша денес со Македонски Телеком, овозможуваат наставата да биде достапна за сите.
Тргнале од идејата дека сите деца немаат дома интернет.
Македонски Телеком донира над 18.000 картички за интернет.
Овие картички ќе бидат дистрибуирани до семејствата на кои им се потребни преку Министерството за труд и социјална политика.
„На сите деца им овозможуваме интернет за да ја следат наставата“, вели Манчевски.
Директорот на Македонски Телеком, Никола Љушев вели дека околу 30.000 деца не се во можност да ја следат наставата.
Министерот за образование Арбер Адеми додаде дека учебната година не е прекината и ќе продолжи да се реализира до целосно завршување.