Добивај вести на Viber
Вицепремиерот за евроинтеграции Бојан Маричиќ упати апел до граѓаните да го прифатат францускиот предлог како опција за започнување на преговорите со ЕУ и дека внесувањето на бугарската етничка заедница, заедно со црногорската и хрватската во Уставот би можело да трае 12 месеци.
Досега нашите политики и сите чекори кои сме ги направиле биле стратешки и во интерес на државата и граѓаните. Со францускиот предлог имаме можност да го почнеме преговорачкиот процес на македонски јазик, признаен од цела Европска Унија.
Меѓувладината конференција и скринингот се првите чекори од преговарачкиот процес и кај сите земји членки во просек траеа околу 12 месеци. После тоа, следува отворање на првото поглавје, а до тогаш би било потребно внесување на трите нови етнички заедници во нашиот Устав, покрај постоечките седум“, објави Маричиќ на социјалните мрежи.
Тој уверува дека напредокот во европските интеграции ќе биде со чист македонски јазик и идентитет признаен од целата Европска Унија.
„Тоа го добиваме без никакви условувања или отстапки. Напредокот после скринингот ќе зависи од внесувањето на Бугарите, Хрватите и Црногорците во Уставот што е само зајакнување на нашето еднакво мултикултурално општество. Нашиот европски напредок веќе нема да зависи од историските прашања кои ги покрева Бугарија и за кои треба да разговараме, но за кои никој од македонска страна нема да може да биде условуван“тврди тој.