Математички се поизводливо ВМРО-ДПМНЕ да се врати во Собрание
Објавено во: Анализа 28 Март, 2018 18:07
Откако судот ги пушти во домашен притвор сите сега веќе осомничени за крвавите настани од 27 април, најголемата опозициска партија ВМРО-ДПМНЕ има и математички изгледи да се врати во Собранието на Република Македонија. ВМРО-ДПМНЕ со месеци ја критикуваше власта за политичка пресметка и реваншизам и бараше да се укинат притворите за осомничените, особено за шесте нивни пратеници кои завршија зад решетките на истражниот затвор Идризово, за потоа дел од нив да бидат пуштени на „домашно“, а за дел од пратениците притворот во Шутка траеше доста долго.
Математичкиот проблем кој го постави претседателот на ВМРО-ДПМНЕ Христијан Мицкоски и натаму нема целосно решение. Од една страна пратениците целосно ќе може да се бранат од слобода, но тие веќе се обвинети за терористичко загрозување на уставниот поредок и безбедноста, освен пратеничката Жаклина Пешевска која е ослободена од обвинителството во понатамошниот процес.
Сега, ВМРО-ДПМНЕ ќе треба да донесе одлука, дали ќе даде бланко поддршка на сопартијци кои се обвинети и кои ќе бидат дел од екстензивен судски процес за докажување тероризам со обиди да изврши каков таков притисок за нивно евентуално прогласување за невиновни. Вториот избор на ВМРО-ДПМНЕ е да прифати дека процесите во правосудството мора да се одвиваат без политички притисоци и дека страшните сцени од упадот во Собранието на 27 април при што имаше и обид за убиство врз пратеници мора да биде судски расветлен.
Од ВМРО-ДПМНЕ се очекува да ја презеде улогата на вистинска опозиција, да покаже конструктивност, да учествува во јавните дебати, да придонесе за подобри законски решенија и секако да овозможи квалитетно создавање на неопходните реформи од кои зависи како внатрешната можност за напредок на општеството, така и за евроатланските аспирации на Република Македонија.
Автор: Христијан Станоевиќ
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
Ако сакаш да не најдеш решение формирај комисија – Што ќе донесе анкетната расправа за Кочани?
